Dızeldi zańsyz tasymaldaǵan qyzylordalyq kásipker bas bostandyǵynan aıryldy
10:41, 17 Tamyz 2022
NUR-SULTAN. QazAqparat – Kásipker 4 tonna dızel otynyn tıisti qujattarsyz ótkizbek bolǵan jerinde ustalǵan, dep habarlaıdy QazAqparat Qarjylyq monıtorıng agenttigine silteme jasap.
«Qyzylorda oblysynda jeke kásipker munaı ónimderin shyǵý zańdylyǵyn rastaıtyn qujatsyz kóterme saýdada ótkizgeni úshin 2 jyl 8 aı merzimge bas bostandyǵynan aıyryldy.
Kásipker 4 tonna dızel otynyn tıisti qujattarsyz ótkizbek bolǵan jerinde ustalyp, tergeý barysynda ol buryn 93 mıllıon teńgege ózi ótkizgen taǵy 402 tonna janarmaıdyń shyǵý teginiń zańdylyǵyn rastaı almaǵan», - delingen resmı habarlamada.
Eske salsaq, buǵan deıin Batys Qazaqstanda munaı ónimderiniń zańsyz aınalymy toqtatyldy.
Vıdeodan alyn ǵ an kadr