Dıera Keldıerova Ýta Abe jaıly jaǵymsyz pikir jazbaýdy surady

<p>TAShKENT. KAZINFORM &ndash; Dzıýdodan Parıj Olımpıdasynyń chempıony Dıera Keldıerova ózbekstandyqtardan qarsylasy Ýta Abege qatysty jaǵymsyz pikir jazbaýyn surap, barlyǵyna qurmet kórsetýge shaqyrdy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.</p>

Olımpıadada Dıera Keldıerova Ýta Abeni jeńgennen keıin áleýmettik jeli qoldanýshylary japonııalyq tatamı sheberiniń ar-namysyna tıetin pikirler jaza bastady. Bul rette ózbekstandyq sportshy qarsylasyna laıyqty qurmet kórsetýge shaqyrdy.

“Men kórermenderden bárine joǵary qurmet kórsetýin suraımyn. Sport - bizdi biriktiretin kúsh! Biz basymyzdy dzıýdo qosqan otbasymyz. Sondyqtan jaǵymsyz pikir jazýdy toqtaýlaryńyzdy ótinemin. Meniń oıymsha, dzıýdo úıretetin eń mańyzdy qaǵıda — ol qurmet", — dep jazdy D.Keldıerova Instagram-daǵy resmı paraqshasynda.

Aıta keteıik, Ýta Abe tórtjyldyq básekeniń basty favorıti boldy. Ol keıingi 5 jyl ishinde jeńilip kórmegen (sońǵy 47 beldesýin jeńispen aıaqtaǵan).

Foto: Anvar Ilıasov/ ÓR UOK

Ony Parıj Olımpıadasynyń 1/8 fınalynda ózbekstandyq dzıýdoshy Dıera Keldıerova Ippon-men jeńip, jarys jolynan yǵystyrdy.

Odan keıingi beldesýlerde de D.Keldıerova qarsylastarynan basym túsip, jeńis tuǵyrynan kórindi. Osylaısha ol bul eldiń tarıhynda dzıýdodan Olımpıada “altynyn" alǵan alǵashqy sportshy atandy.