Dıspanserlik esepte turǵan naýqastar vaktsına alýy kerek pe?

NUR-SULTAN. QazAqparat – Densaýlyq saqtaý vıtse-mınıstri Ajar Ǵınaıat dıspanserlik esepte turǵan naýqastardyń, sozylmaly aýrýlary bar adamdardyń vaktsına alý múmkindigi týraly málimet berdi, dep habarlaıdy QazAqparat tilshisi.

«Árbir vaktsınany kimniń almaýy kerektigi týraly turaqty erejeleri bar. Qazir qandaı da bir syrqatpen aýyryp júrgen adamdarǵa jazylǵanǵa deıin vaktsına almaýǵa bolady. Osy vaktsına quramyndaǵy keıbir elementterge gıpersezimtaldyǵy, ıaǵnı, allergııalyq reaktsııasy bolsa, aýyr allergııalary bar adamdarǵa vaktsına almaýǵa bolady. Olardyń bári – arnaıy esepte turǵan adamdar», - dedi vedomstvo ókili.

Densaýlyq saqtaý mınıstriniń orynbasary tipti sozylmaly aýrýlary bar adamdarǵa da qazir da dárigerler ýaqytsha medtsıtsınalyq qarsy kórsetilm berip jatqanan eske saldy.

«Tek qant dıaebtiniń óte aýyr satysyna jetken naýqastardy dárigerler qaraýy kerek. Emdep, qan taldaýlaryn jaqsartqannan keıin ol adamdarǵa da vaktsına salynyp jatyr. Óıtkeni ólim-jitim óte kóbeıip ketti. Kúnine 60-tan astam ólim tirkelip otyr», - deıdi Ajar Ǵınaıat.

Vıtse-mınıstr dıspanserlik esepte turǵannyń bári vaktsına almaýy kerek degen túsinik durys emes ekenin túsindirdi.

«Dıspanserlik esepte 12 myńnan astam aýrý bar. Sol aýrýlardyń ishinde tek qana aýyr allergııasy bar adamdarǵa medıtsınalyq qarsy kórsetilim berilip jatyr. Qalǵan adamdarǵa densaýlyǵyna baılanysty sheshim qabyldanady. Eger sozylmaly aýrýlary asqynyp turmaǵan bolsa, ekpe alýy kerek», - dedi mınıstrdiń orynbasary.