16:24, 24 Qarasha 2022

Dıplommen aýylǵa: Shekaraǵa jaqyn aýyldarǵa baratyn mamandardyń járdemaqysy ósedi

ASTANA. QazAqparat – Búgin Senattyń jalpy otyrysynda QR Premer-Mınıstriniń birinshi orynbasary Roman Sklıar aýylǵa baratyn jas mamandarǵa beriletin nesıe somasy ósetinin aıtty, dep habarlaıdy QazAqparat tilshisi.

«Dıplommen aýylǵa» jobasy da jalǵasyp keledi. Birinshiden, aýylǵa baratyn jas mamandarǵa úı alýǵa nemese jańadan úı salýǵa beriletin nesıe somasyn ósiremiz dep josparlap otyrmyz. Ol qazir 1 500 aılyq eseptik kórsetkishke teń. Endi, aýdan ortalyǵyna 2 500 AEK-ke deıin, aýyldar men kentter úshin 2 000 AEK-ke deıin asyrmaqpyz. Ekinshiden, shekaraǵa jaqyn aýyldarǵa baratyn jas mamandarǵa kóterme járdemaqy bar. Qazir ol 100 AEK bolsa, sony 200 AEK-ke deıin ósiremiz», - dedi R. Sklıar.

Onyń aıtýynsha, bul jobaǵa aýdandyq mańyzy bar qalalar da qosylady.

Budan buryn habarlanǵandaı, Roman Sklıar «Aýyl – El besigi» jobasyn iske asyrý barysy jaıynda aıtty.

Aýyldy túletý Aýyldyq aýmaqtardy damytý Jastar QR Úkimeti

Rýslan Ǵabbasov

Aqmola oblysynyń Birjan sal aýdanynda dúnıege kelgen. L.N. Gýmılev atyndaǵy Eýrazııa ulttyq ýnıversıtetiniń jýrnalıstıka fakýltetin bitirgen. 2005 jyldan beri «QazAqparat» halyqaralyq aqparat agenttiginde jumys istep keledi.