«Dıplommen aýylǵa» baǵdarlamasynyń nátıjeleri qandaı
«Dıplommen aýylǵa» baǵdarlamasy 2009 jylǵy 1 shildede iske qosyldy. Aýyldyq aýmaqtardyń kadrlyq áleýetin áleýmettik sala jáne agroónerkásiptik keshen mamandary sekildi qajetti resýrspen kúsheıtý maqsatyn kózdeıdi.
Joba iske asyrylǵan kúnnen bastap, 60 myńnan astam maman 7,4 mlrd teńge somasyndaǵy kóterme járdemaqyǵa ıe boldy. 27,5 myńnan asa maman turǵyn úı alý úshin 70,6 mlrd teńge somasynda bıýdjettik kredıt aldy.
«2019 jylǵy 1 jeltoqsandaǵy jaǵdaı boıynsha, 4128 mamanǵa turǵyn úı alý úshin jalpy somasy 14,7 mlrd teńge bıýdjettik kredıt berildi. Al 7565 mamanǵa jalpy somasy 1,5 mlrd teńge kóterme járdemaqy berilgen. Mamandyqtarǵa kelsek, bilim berý salasy kóp suranysqa ıe, oǵan 42 745 adam (71,2%) tartylǵan. Ekinshi orynda – densaýlyq saqtaý salasy. Ony 12 705 adam (21,2%) tańdaǵan. Odan ári agroónerkásiptik keshen mamandyǵynda 1 665 adam (2,8%) jáne mádenı salada 1 604 (2,7%) adam bar. Suranys boıynsha sońǵy oryndaǵy sport salasyna 863 (1,4%) adam jáne áleýmettik qamsyzdandyrý salasyna 483 (0,8%) adam barǵan. Búgingi kúni jalpy qatysýshynyń 74%-i - áıelder»- delingen habarlamada.
Jalpy baǵdarlama mamandardyń aýyldyq eldi mekenderge kóptep kelýine jol ashty. Joba iske asyrylǵanǵa deıin jyl saıyn aýyldarǵa 3 300-deı maman kelse, Joba iske qosylǵan ýaqyttan bastap, bul kórsetkish jyl saıyn 6 000 mamanǵa artqan.