Dıplommen – aýylǵa: Atyraýdyń Isataı aýdanynda 14 maman kóterme járdemaqy aldy

ATYRAÝ. QazAqparat –Atyraý oblysynyń Isataı aýdanyna «Dıplommen – aýylǵa!» jobasymen kelgen 14 maman kóterme járdemaqy aldy, dep habarlaıdy QazAqparat.

Isataı aýdanynyń ákimi Marat Mýrzıevtyń málim etýinshe, bıyl 21 jas maman kelgen. Onyń ishinde 5 memlekettik qyzmetker bolsa, úsheýi – joǵary bilimdi dáriger. Al bilim salasyna 13 jas maman jumysqa ornalasqan.

«Bıyl «Dıplommen aýylǵa» jobasy aıasynda áleýmettik jáne agroónerkásiptik keshen salasyndaǵy 3 mamanǵa bıýdjettik nesıe berildi. Buǵan qosa 14 mamanǵa bir rettik kóterme járdemaqy tólendi», - dedi Marat Mýrzıev.

Eske sala ketelik, budan buryn Atyraýdyń Jylyoı aýdanynda 47 muǵalim men 9 dáriger kelgenin habarlap edik.