«Dıplommen aýylǵa»: 3,1 myń maman baspanamen qamtamasyz etiledi

<p>ASTANA. KAZINFORM &ndash; &laquo;Dıplommen aýylǵa&raquo; baǵdarlamasy aıasynda bıyl 3,1 myń maman baspanamen qamtamasyz etiledi. Bul týraly búgin Úkimet otyrysynda Premer-Mınıstrdiń orynbasary &ndash; Ulttyq ekonomıka mınıstri Nurlan Baıbazarov aıtty.</p>

«Aýyldyq jerlerde kadrlar tapshylyǵy problemasyn sheshý úshin «Dıplommen aýylǵa» jobasy iske asyrylýda. Jobany iske asyrý barysynda 2009-2023 jyldar aralyǵynda aýyldyq jerlerde 105 myńnan astam maman 20,3 mlrd teńge somasyna kóterme járdemaqy aldy. Onyń ishinde 48 myńnan astamy 160,4 mlrd teńge somasyna turǵyn úı alyp otyr. Bıyl 25 mlrd teńge qarastyrylǵan. Bul 3,1 myńǵa jýyq mamandy turǵyn úımen qamtamasyz etýge múmkindik beredi», - dedi Nurlan Baıbazarov.

Mınıstrdiń atap ótýinshe, memleket aýyl turǵyndary arasynda kásipkerlikti damytýǵa da erekshe kóńil bóledi. 2023 jyly «Báıterek» UBH» AQ arqyly AÓK salasyn qarjylandyrýǵa jalpy 554,7 mlrd teńge kóleminde qarjy bólindi.

Onyń ishinde, 2023 jyly syıaqy bóligin sýbsıdııalaý aıasynda qoldaý tapqan 3 myńnan astam jobaǵa 57,6 mlrd teńge sýbsıdııalar tólendi, 2,5 myń joba boıynsha 55 mlrd teńgege kredıttik kepildikter berildi.

«Іsker» kredıttik baǵdarlamasyna sáıkes 22,3 mlrd teńgege 3,9 myń mıkrokredıt, sondaı-aq jastarǵa mıkrokredıt berý baǵdarlamasy boıynsha 25,6 mlrd teńgege 7,2 myń mıkrokredıt berildi.

«Naryqtyq áleýeti joǵary perspektıvaly taýarlardy anyqtaý maqsatynda «Bir aýyl – bir ónim» jobasy júzege asyrylýda. Osy joba aıasynda 2023 jyly 500-den astam ónim óndirýshilerdiń qatysýymen 20 óńirlik kórme ótkizilip, jergilikti shıkizattan óndirilgen 60 taýar anyqtaldy. Sonymen qatar ótken jyly 194 ınnovatsııalyq bıznes-ıdeıaǵa 897 mln tenge usynyldy», - dedi ol.