Dıplomatııalyq turǵydan óz pozıtsııasyn qorǵap shyǵatyny unaıdy – Ksenııa Sobchak Toqaev týraly

<p>Maǵan Prezıdent Qasym-Jomart Toqaevtyń óz pozıtsııasyn dıplomatııalyq turǵydan qorǵap shyǵatyny unaıdy. Dınara Sátjanǵa <a href="https://www.youtube.com/@The_DS_Show" target="_blank" rel="noopener">suhbat </a>bergen Reseı jýrnalısi Ksenııa Sobchak byltyr Sankt-Peterbýrg halyqaralyq ekonomıkalyq forýmyndaǵy Memleket basshysynyń sózine qatysty osyndaı pikir bildirdi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Suhbat aıasynda Dınara Sátjan Ksenııa Sobchaktan Qazaqstanǵa kóshý nıeti týraly surady. Bul suraqqa jaýap bere otyryp, Reseı jýrnalısi Prezıdent Qasym-Jomart Toqaevtyń júrgizip otyrǵan saıasatyna qatysty pikir bildirdi. Ksenııa Sobchak ásirese Memleket basshysynyń Donetski men Lýganskige qatysty Qazaqstan ustanymyn baıypty jetkizgenin atap ótti.

«Sizdiń eldiń qazirgi Prezıdenti óte myqty. Saıası jarnama jasaýdan aýlaqpyn, buǵan qosa Qazaqstanda bolyp jatqan jaǵdaılardan jetkilikti deńgeıde habardar emespin. Maǵan onyń (QR Prezıdenti Qasym-Jomart Toqaev – avtor túsindirmesi) dıplomatııalyq turǵydan óziniń pozıtsııasyn qorǵap shyǵatyny unaıdy. Meniń oıymsha, bul ásirese Reseıdegi forýmnan keıin aıqyn kórindi. Meniń «súıikti» qurbym Margarıta Sımonıan ony (QR Prezıdenti Qasym-Jomart Toqaev – avtor túsindirmesi) tyǵyryqqa tiregisi keldi. Al ol: «Joq, meniń óz tarıhym bar, áńgimem bólek» dep kesip aıtty. Maǵan eldiń táýelsizdigin saqtap, adamdardyń ustanymyn qorǵap jáne ol úshin eshkimmen janjaldaspaǵany unaıdy. Bul úlken danalyqtyń belgisi», - dep pikir bildirdi Ksenııa Sobchak.