Dıplomat úgit-nasıhatshylardyń jeteginde ketpeýi kerek – Qoshanov Borodavkınniń suhbaty jaıynda

ASTANA. QazAqparat – Májilis tóraǵasy Erlan Qoshanov búgingi otyrystan keıin jýrnalısterge Reseıdiń Qazaqstandaǵy elshisi Alekseı Borodavkınniń bergen suhbatyna qatysty pikirin bildirdi, dep habarlaıdy QazAqparat Palatanyń baspasóz qyzmetine silteme jasap.

Elshiniń suhbatynyń keı tustary onyń mártebesine saı kelmeıdi ári paıda ákelmeıdi dep oılaımyn. Borodavkın myrza óte tájirıbeli dıplomat, ol úgit-nasıhatshylar men saıasattanýshylardyń jeteginde ketpeýi kerek, -

dedi Erlan Qoshanov elshiniń málimdemesine qatysty.

Ekinshiden, ksenofobııa Reseıde de jáne basqa elderde de bar. Saıasatkerlerimizdiń málimdemeleri ekijaqty qarym-qatynasqa nuqsan keltirmeýi úshin biz memleketterimizdiń ıgiligi jolynda birge jumys isteýimiz kerek, -

dedi Májilis tóraǵasy.

Eske sala keteıik, keshe Reseıdiń Qazaqstandaǵy elshisi Alekseı Borodavkın reseılik basylymdardyń birine bergen suhbatynda Qazaqstandaǵy radıkaldy ultshyldar men rýsofobııa týraly aıtyp, Reseıdiń olarmen kúreske «kómek berýge daıyn» ekenin málimdegen bolatyn.