«Dıplomat» qonaqúıin tartyp aldy: Arystanbek Muhamedıulyna jańa aıyp taǵyldy

<p>Ulttyq mýzeıdiń burynǵy dırektory Arystanbek Muhamedıuly taǵy da sot aldynda jaýap berip jatyr. Bul joly oǵan reıderlik jolmen JShS dırektorynyń kásibin tartyp aldy degen aıyp taǵyldy, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat.</a></p>

Aıyptaý derekterine sáıkes, 2019 jyly «Dıplomat» qonaqúıine ıelik etip otyrǵan K. esimdi kásipker A.Muhamedıulynan kómek suraǵan. Muhamedıuly bolsa ol kásipkerge 2,5 mlrd teńge berýge kelisip, onyń ornyna jaýapkershiligi shekteýli seriktestiginiń 71 paıyz kapıtalyn qaıyn enesiniń atyna rásimdeýdi suraǵan. Tergeý tarapy eks-mınıstr sol kezde qonaqúıdi óz bıligine alýdy josparlaǵan degen paıymda.

Mámile jasalǵannan keıin birneshe ýaqyt ótip, A.Muhamedıuly K. esimdi kásipkerden kapıtaldyń qalǵan 29 paıyzyn berýin talap etken. Tıisinshe ol bas tartqan. Sodan keıin aıyptalýshy «Dıplomat» qyzmetkerlerine ózin osy keshen ıeleriniń biri retinde kórsetip, olardan JShS dırektoryn qonaqúıge kirgizbeýin tapsyrǵan. Derekterge saı, artynsha A.Muhamedıuly seriktestik qatysýshylarynyń jınalysyn uıymdastyryp, hattamany qoldan jasap, JShS basshysy atanady.

Sotta Arystanbek Muhamedıuly taǵylǵan aıyppen kelispedi.

Eske salaıyq, Ulttyq mýzeıdiń burynǵy dırektory Arystanbek Muhamedıuly 2022 jyly 28 mamyrda qamaýǵa alynǵan edi.

Bıylǵy 20 maýsymda sot úkimimen A.Muhamedıuly 8 jylǵa bas bostandyǵynan aıyryldy.

Sonymen qatar onyń sybaılastary da sottaldy.