Dınozavrlardyń kózin joıǵan asteroıd anyqtaldy

NUR-SULTAN. QazAqparat - Kúsh-qýaty 10 mıllıard atom bombasymen birdeı asteroıd dınozavrlardyń kózin joıǵan bolýy múmkin, dep habarlaıdy CNN.

Ǵalymdardyń aıtýynsha, «ekinshi dúnıejúzilik soǵys kezinde qoldanysta bolǵan atom bombasynyń 10 mıllıon danasyn jınap, jaryp jiberseń, asteroıdtyń qýatyna kóziń jetedi». «...Bul asteroıdtyń eni – 12 shaqyrym (7,5 mıl), ol 66 mıllıon jyl buryn Jer ǵalamsharyn soǵyp ótken. Saldarynan Jer betindegi tirshiliktiń 75 paıyzy joıylǵan. Asteroıd soqqysynan keıin ormandar órtenip (900 mıl), daýyl turǵan». Tehas ýnıversıteti ǵalymdarynyń atalmysh zertteýi PNAS jýrnalynda jaryq kórdi.

Ǵalymdardyń zertteýinshe, dınozavrlardyń basym bóligi asteroıd soqqysy oryn alǵan kúni mert bolǵan. Al qalǵan az ǵana paıyzy atmosferalyq jaýyn-shashyn saldarynan joıyldy dep boljanyp otyr.

Tehas ýnıversıteti ǵalymdarynyń bul zertteýi 2016 jyly Meksıkada tabylǵan asteroıd qaldyqtarynan keıin bastaldy. Meksıkanyń ıÝkatan jartylaı aralynyń jaǵalaýynda Chicxulub aımaǵynda asteroıd qaldyqtary anyqtalǵan bolatyn.

Ǵalymdardyń esepteýinshe, 325 mıllıard tonna kúkirt asteroıd soqqysynan keıin aýaǵa taralǵan.