Dinı meıram kezinde karantın rejimin saqtaý kerek
«Sáýir aıynda bizder úshin mańyzdy birqatar dinı meıramdar kele jatyr. Olar: Oraza, pravoslavtyq jáne katolıktik Pasha, ıahýdılik Pesah jáne taǵy da basqalar. Sózsiz, olardyń barlyǵy kóptegen azamattar úshin úlken mańyzy bar. Biz din ustanýshy azamattarymyzdyń dinı senimine zor qurmetpen qaraımyz. Alaıda koronavırýs indeti barlyq adamnyń densaýlyǵyna, ómirine qaýip tóndirýde. Sol úshin kóptegen elder epıdemııaǵa qarsy buryn-sońdy bolmaǵan shekteýler engizýde. Vırýs taralmaýy úshin adamdar jınalatyn barlyq sharalarǵa, onyń ishinde dinı sharalarǵa da ýaqytsha tyıym salynady. Sebebi bul dinı sharalar kezinde adamdar ǵıbadat oryndaryna baryp, týystarymen, jaqyndarymen jınalady. Birge mazar basyna barady, odan da basqa ártúrli mádenı-kópshilik sharalar bolady», - dedi mınıstr «Habar 24» telearnasynyń tikeleı efırinen.
Bul turǵyda vedomstvo basshysy el turǵyndaryna túsinistikpen qaraýǵa shaqyrdy
«Sol úshin qazirgideı kúrdeli ýaqytta eń basty másele – adamnyń densaýlyǵy men amandyǵy. Eshqandaı din adam ómiri men densaýlyǵyna qaýip tóndirgendi maquldamaıdy. Osy rette barlyq dinı jáne etno-mádenı uıymdardyń basshylary men azamattardy túsinistik tanytýǵa shaqyramyz. Dinı meıram kezinde karantın rejimin saqtaýdy suraımyz. Dinı birlestikterge merekelik dinı rásimderdi onlaın rejimde ótkizýge usynamyz», - dedi Dáýren Abaev.