Dinı qundylyqtardyń saıası ıdeologııadan ara jigin ajyratý kerek - Elbasy

ASTANA. QazAqparat - Dinı qundylyqtardyń saıası ıdeologııadan ara jigin ajyratý kerek.  Bul týraly búgin elordada  ótip jatqan Álemdik jáne dástúrli dinder kóshbasshylarynyń  VI sezinde QR Prezıdenti Nursultan Nazarbaev aıtty, dep habarlaıdy QazAqparat tilshisi.

«Barlyǵyna qoljetimdi bilimniń bolmaýy qazirgi zamannyń jahandyq problemalarynyń biri bolyp qalýda.  Búginde álemde 750 mıllıon adam jaza da, oqı da almaıdy. Bilim men ǵylymǵa jappaı tartpaı kedeıshilik pen joqshylyqty eńserýge bolmaıdy», - dedi Elbasy.

Qazaqstan Prezıdenti bilim radıkalızm ıdeıalarynyń kez kelgen kórinisterine qarsy turaqty ımmýnıtettiń negizi sanalatyndyǵyn basa aıtty.

«Bul rette dinı saýattylyq tótenshe mańyzdy mánge ıe. Qazir onyń platformasyn túrli psevdodinı uıymdar belsendi paıdalanyp otyr. Sondyqtan álemdik jáne dástúrli dinder dinı qundylyqtardyń saıası ıdeologııadan ara jigin ajyratý boıynsha jumystar júrgize alar edi», - dedi Nursultan Nazarbaev.

Buǵan deıin Elbasy beıbitshilik ıdeıalaryn ilgeriletýde jańa tehnologııalardy paıdalaný qajet ekenin basa aıtqan bolatyn.

Sondaı-aq, Prezıdent din kóshbasshylary álem elderin beıbitshilikke shaqyrýlary qajet ekenin atap ótken bolatyn.