Dinı birlestikterdi tekserý úshin ІІM qyzmeti keńeıtilýi múmkin
Búgin Parlament Májilisinde QR keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý» týraly zań jobasy tanystyryldy.
«Zań jobasy memlekettik organdardyń quzyretin ózgertý boıynsha birneshe normalardy qamtıdy. Birinshiden, dinı birlestik qyzmetin tekserý jolymen baqylaýdy iske asyrý maqsatynda ókiletti organǵa tıisti quzyret berý eskerilgen. Shyn máninde búginde osyndaı memlekettik baqylaý júrgizilýde», - dedi QR Din isteri jáne azamattyq qoǵam mınıstri Nurlan Ermekbaev.
Mınıstrdiń atap ótýinshe, zań jobasynda Qylmystyq-atqarý júıesi (QAJ) komıtetine jańa ókilettik berý qarastyrylǵan.
Osy oraıda sottalǵandarmen teologııalyq saýyqtyrý qyzmetteri jumysynyń erejesin QAJ komıtetimen bekitý usynylǵan. Búginde bul qyzmetter jumys istep jatyr, alaıda bul sharalardyń quqyqtyq reglamentatsııasy eskerilmegen.
Sonymen qatar N. Ermekbaev usynylyp otyrǵan tolyqtyrýlar dinı qyzmetke baılanysty qylmystyń aldyn alý boıynsha ІІM-niń qyzmetterin keńeıtýdi qarastyratynyn atap ótti.
Osy normany eskere otyryp, polıtseıler qylmys jasaýy múmkin kúdikti adamdarǵa ashyq baqylaýdy belgileı alady. Eger de atalǵan adamdardyń is-qımyly ákimshilik quqyqbuzýshylyqqa alyp keletin bolsa, polıtsııa olarǵa resmı eskertý aıta alady.
«Al bul adamdardyń is-qımyly budan da aýyr qylmysqa aparýy múmkin bolsa, onda polıtsııa olardy tirkep, tıisti tergeý amaldaryn júrgize alady», - dedi N. Ermekbaev.