Dinı basqarma aýrýhanalarǵa 255 ókpe apparatyn syılady

NUR-SULTAN. QazAqparat – Qazaqstan Musylmandary dinı basqarmasynyń tóraǵasy, Bas múftı Naýryzbaı qajy Taǵanuly koronavırýs pandemııasy kezinde halyqqa qandaı kómek kórsetilgenin baıandady, dep habarlaıdy QazAqparat tilshisi.

«Biz el basyna kún týǵanda asarlatyp, jylý jınap, qaıyrymydylyqtan shet qalmaǵan halyqpyz. Qazaqstan Musylmandary dinı basqarmasyna qarasty «Zeket» qory «Ómirge úmit syıla» aktsııasyn uıymdastyryp, jamaǵat pen demeýshiler kómegimen 255 dana ottegi jeldetkishin el aýrýhanalaryna jetkizip berdi. Oǵan qosa, Dinı basqarmanyń muryndyq bolýymen 200 myńnan astam otbasyǵa azyq-túlik, 42 myńnan astam medıtsınalyq maskalar taratyldy. Osy isti júzege asyrǵan dinı qyzmetkerlerge jáne olarǵa qoldaý kórsetken kásipker azamattarǵa Alla razy bolsyn, amaldary saýapty bolsyn degim keledi», - dedi Bas múftı Ortalyq kommýnıkatsııalar qyzmetinde.

Sonymen birge, elimizde TJ jarııalanǵan sátten bastap, ımamdar men dinı ǵalymdar áleýmettik jelilerde kúnine úsh ret ýaǵyz aıtyp, halyq suraqtaryna jaýap berip, túsindirý jumystaryn júrgizip keledi.

Buǵan deıin QMDB tóraǵasy Sátpaev qalasyndaǵy oqıǵaǵa qatysty pikir bildirdi jáne qashyqtan qurban shalý júıesiniń qalaı jumys isteıtinin túsindirdi.

31 shilde kúni Qazaqstan meshitterinde Qurban aıt namazy oqylmaıdy.