Dınara Zákıeva 12 jasqa deıingi balalardy úıde jalǵyz qaldyrýǵa zańdy túrde tyıym salýdy usyndy

<p>ASTANA. KAZINFORM &ndash; Balalar ombýdsmeni Dınara Zákıeva 12 jasqa deıingi balalardy úlkenderdiń qaraýynsyz qaldyrýǵa zańdy túrde tyıym salý týraly bastama kóterdi.</p>

Ol Aqmola oblysynda órt saldarynan eki bala qaza tapqan qaıǵyly oqıǵany mysal keltirgen. Sondaı-aq, onyń aıtýynsha, 2024 jyldyń basynan beri Qazaqstanda balalardyń ólimimen 15 órt oqıǵasy tirkeldi. Olardyń kópshiliginde balalar úıde jalǵyz bolǵan.

- Osy faktilerdi taldaı otyryp, men 12 jasqa deıingi balalardy eresekterdiń qaraýynsyz qaldyrýǵa tyıym salatyn zańnamalyq sharalardy ázirleý qajet dep sanaımyn, Árıne, bul rette qoldaýdy qajet etetin otbasylarǵa memleket tarapynan kómek kórsetý baǵdarlamalary qajet», - dep jazdy ol Instagram paraqshasynda.

Buǵan deıin Dınara Zákıeva Qazaqstanda qorǵanshylyq qyzmetkerleriniń sany artyp, jalaqysy kóteriletinin aıtqan bolatyn.