Dınara Shúkijanova sıntetıkalyq esirtki jaıynda: Qaýipti hımııa, mıdy óltiredi
«Kókeıtesti problema. Burynyryq bul eresekterdiń problemasy sııaqty edi. Nashaqordy kóz aldyńyzǵa qalaı elestetesiz? Ol beıáleýmettik, aryq, bozarǵan adam. Biletin adam onyń nashaqor ekenin birden túsinedi. Biraq, qazir qandaı jaıt oryn alyp jatyr? Bul – balalar. Resmı statıstıka olardyń 12 jastan asqan balalar ekendigin kórsetip otyr. Sıntetıkalyq esirtki «qorqynyshty eshteńe joq, dámin tatyp kóreıik» dep turatyndaı tartymdy qyzǵylt tabletka. Ol óte qorqynyshty hımııa ári mıymyzdy óltiredi. Sonymen qatar ádettegi esirtkiden 15 ese kúshti. Sondyqtan da búginde biz bul problemaǵa qatysty dabyl qaǵyp otyrmyz», - dedi Májilis depýtaty.
Onyń atap ótýinshe, esirtkimen kúrestiń keshendi jospary ázirlengen. Sonymen qatar Jastar isi jónindegi keńestiń de bul máseleni kóterip otyrǵany qýantady.
«Osy ulttyq jospardy qabyldap, batyl is-sharalar qoldana bastaý kerek. Eger biz bir nárse istemesek, kezekti márte bulǵaqtap júrsek problema sheshilmeıdi. Bul kóptegen vedomstvolar júzege asyrýy tıis óte kúrdeli ári júıeli jumys. Biz keshendi josparmen tanystyq. Onda júzege asyra bastaý qajetti kóptegen tarmaq bar. Osy problema jaıynda barlyq alańda aıtý kerek. Problemanyń jasaryp bara jatqanyn jetkizý kerek. Ár mektepte synyp saǵattaryn ótkizip, ata-analarǵa túsindirý qajet. Bul ózgeniń emes ár ata-ananyń jeke problemasy. Biz keshendi jospardy qabyldaý qajettigin, zańnamany qatańdatý kerektigin aıtyp otyrmyn», - dedi Dınara Shúkijanova.