Din qyzmetkerleri arasynda koronavırýs juqtyrǵan adam joq - QMDB
17:07, 15 Mamyr 2020
NUR-SULTAN. QazAqparat – QMDB naıb múftıi Ershat Ońǵarov din qyzmetkerleri ishinde koronavırýsty juqtyrǵan adamnyń tirkelmegenin málim etti, dep habarlaıdy QazAqparat tilshisi.
«Din qyzmetkerleri aarsynda koronavırýsty juqtyrǵan jaǵdaı bolǵan joq. Al koronavırýstan qaıtys bolǵan adamnyń janazasyn shyǵarý barysynda ımam alystan qatysty. Jerleý protsesine ımam qatyspaıdy. Janaza shyǵarǵan ımam karantınge jatqyzylǵan joq», - dedi OKQ-da ótken baspasóz máslıhatynda QMDB naıb múftıi Ershat Ońǵarov.
Onyń aıtýynsha QMDB koronavırýstan qaıtys bolǵan adamnyń janazasyna eń jaqyn týystardyń qatysýyna úndegen. Úndeý juqpaly aýrýdyń taralýyna jol bermeý úshin jarııalanǵan.
Eske sala ketsek buǵan deıin Bas múftı Naýryzbaı qajy Taǵanuly 18 mamyrdan bastap meshitke keletin jamaǵatqa úndeý tastaǵan bolatyn.