Din kóshbasshylary tehnologııalardy, ǵylym men rýhanııatty damytýdy talap ete alady

NUR-SULTAN. QazAqparat – Din kóshbasshylary tehnologııalardy, ǵylym men rýhanııatty damytýdy talap ete alady. Bul týraly elordada ótken Álemdik jáne dástúrli dinder lıderleri VII Seziniń jabylý saltanatynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Eń mańyzdy taqyryptardyń biri teńsizdikti, onyń barlyq kórinisterin qalaı jeńýge bolatyndyǵy tóńireginde boldy. Óıtkeni teńsizdik ulttyq árkelkilik pen jahandyq alaýyzdyqtyń qaınar kózi sanalady. Sondaı-aq tsıfrlyq jáne genderlik máselelerge, bilim berýdiń mańyzdylyǵyna, áleýmettik teńsizdikti joıýǵa erekshe nazar aýdaryldy. Taǵy bir negizgi maqsat ekonomıkalyq ósý men rýhanı jáne moraldyq progress arasyndaǵy tepe-teńdikti anyqtaý joldaryn tabý boldy», - dedi QR Prezıdenti.

Memleket basshysy din kóshbasshylary tehnologııalardy, ǵylym men rýhanııatty bir mezgilde jáne ózara tolyqtyra otyryp, damytýdy talap ete alady dep senetindigin bildirdi.