Din qoǵamdaǵy úılesimdi ómirge yqpal etedi - Rım Papasy

NUR-SULTAN. QazAqparat – Búgin elordadaǵy Álemdik jáne dástúrli dinder lıderleriniń VII sezinde Rım Papasy Frantsısk uzaq ýaqyt boıy dinge kúdik týdyrǵan qaýesetterdi ysyryp qoıatyn ýaqyt jetkenin aıtty, dep habarlaıdy QazAqparat tilshisi.

«Álem bizden rýhanı tazalyqty, sananyń tazalyǵyn kútedi. Bul turǵyda shynaıy dindarlyqqa úmit artyp otyr. Fýndamentalızmnen, kez kelgen senimdi burmalaıtyn jáne buzatyndardan alshaqtaıtyn, oıanatyn kez keldi. Júregimizdi taza etip, janashyrlyq tanytýymyz mańyzdy», - dedi Rım Papasy.

Onyń paıymynsha, álemde tym uzaq ýaqyt boıy dinge degen kúdik pen mensinbeýshilik týdyrǵan bos sózdi ysyryp qoıatyn ýaqyt jetti. Bul negizsiz pikirler din qazirgi qoǵamnyń turaqsyzdanýyna yqpal etedi degen qaýesetti taratyp keldi.

«Bul jerdegi memlekettik ateızmniń murasy jaqsy belgili. Ateızm ondaǵan jyldar boıy tamyryn jaıyp keldi. Sol kezde din sózi adamdar úshin problemaǵa aınalatyn edi. Shyn máninde, din - problema emes. Kerisinshe, bul qoǵamdaǵy úılesimdi ómirge yqpal etedi», - dedi Pontıfık