Din isteri jáne azamattyq qoǵam mınıstriniń orynbasary Stepnogorde boldy

KÓKShETAÝ. QazAqparat - Elbasy Nursultan Nazarbaevtyń «Qazaqstannyń ­Úshinshi jańǵyrýy: jaha­ndyq básekege qabilett­ilik» atty Joldaýynda aıylǵan basym baǵyttardy halyqqa túsindirý maqsatynda Aqmola oblysyna jumys saparymen kelgen respýblıkalyq aqparattyq tobynyń múshesi Qazaqstan Respýblıkasynyń Din isteri jáne azamattyq qoǵam mınıstriniń orynbasary Berik Aryn Stepnogor qalasynda bolyp, birqatar kásiporyndar men bilim berý nysandarynyń ujymdarymen kezdesti, dep habarlaıdy «QazAqparat» HAA tilshisi.

Vıtse-mınıstr eń aldymen, «Qazaqstannyń jylyjaı tehnologııasy» seriktestiginde bolyp, eńbek ujymymen kezdesti. Ónimderin oblysymyzǵa ǵana emes, elordaǵa jáne respýblıkamyzdyń basqa da aımaqtaryna shyǵaratyn irgeli kásiporynnyń jylyjaı sharýashylyǵyn damytyp, jańa tehnologııalardy meńgerýdegi qarymdy isterimen tanysqan soń vıtse-mınıstr ótken jyldyń sońynda paıdalanýǵa berilgen memlekettik-jekemenshik áriptestik sheńberinde salynǵan «Skazka» balabaqshasyna at basyn tiredi. Jeke kásipkerdiń qarjysyna salynǵan balabaqshada búldirshinderdiń demalyp, tálim-tárbıe alýlaryna, oınaýlaryna qajetti barlyq jaǵdaı qarastyrylǵan. Budan keıin ol qala ákimdiginde quqyq qorǵaý organdary basshylarymen, úkimettik emes uıymdardyń, dinı birlestikterdiń ókilderimen kezdesip, Elbasy Joldaýyna qatysty keleli áńgime ótkizdi. 
 

Elbasy Joldaýyna baılanysty Úkimet pen halyqtyń aldynda turǵan mindetter jaıynda, ýaqyt talabyna saı elimizdiń áleýmettik ekonomıkalyq jaǵynan damýyna yqpal etetin jańa tehnologııalardy ıgerýge qatysty jan-jaqty áńgimelep berdi. Búginde Úkimet Elbasy Joldaýynda belgilengen mindetterdi oryndaý baǵytynda birqatar baǵdarlamalardy daıyndaýda. Ol baǵdarlamalardyń bári de elimizdiń áleýetin kóterip, halyqtyń turmys jaǵdaıyn jaqsartýǵa, memlekettik qaýipsizdigimizdi nyǵaıtýǵa ıgi yqpalyn tıgizetin bolady. 

Kezdesý barysynda mınıstrdiń orynbasary ónerkásibi damyǵan Stepnogorsk qalasynan alǵan áserleri týraly da aıtty. Qazirgi zamanǵy jańa tehnologııamen jumys isteıtin jylyjaı tabıǵaty qatal soltústik óńir turǵyndaryn qysy-jazy kókónispen qamtamasyz etýge eleýli úlesin qosýda. Sondaı-aq, memlekettik-jeke menshik áriptestik arqyly da bıýdjet qarjysy jetpeı jatqan salalardy damytýǵa tyń serpin berýge bolatyny tájirıbe júzinde kórinip otyr. Vıtse-mınıstr osy oraıda, jeke kásipkerdiń qarjysyna salynǵan balabaqshanyń mektepke deıingi mekemelerge degen tapshylyqty joıýǵa úlken yqpaly bolatynyn atap ótti. 

Óz kezeginde qala ákiminiń orynbasary Gúlnaz Ábilova, qalalyq máslıhattyń depýtaty Darhan Balpanov Elbasy Joldaýyna qatysty oı-pikirlerin ortaǵa saldy. Qala ákimi Ánýar Kúmpekeev Astanadan arnaıy kelip, jurtshylyqpen kezdesip, Elbasy Joldaýyna qatysty keleli áńgime ótkizgen Din isteri jáne azamattyq qoǵam mınıstriniń orynbasary Berik Arynǵa alǵysyn bildirdi.