Din isteri mınıstrligi «Jomart júrek» jobasyn qolǵa almaq

ASTANA. QazAqparat - Qazirgi ýaqytta QR Din isteri jáne azamattyq qoǵam mınıstrligi «Rýhanı jańǵyrý» baǵdarlamasynyń «Týǵan jer» arnaıy jobasy aıasynda «Atameken» kishi baǵdarlamasyn iske asyrýǵa kiristi, dep habarlaıdy atalǵan mınıstrliktiń baspasóz qyzmeti.

Bul týraly búgin Ortalyq kommýnıkatsııalar qyzmetinde ótken brıfıngte QR Din isteri jáne azamattyq qoǵam mınıstriliginiń vıtse-mınıstri Abzal Núkenov málimdedi.

«Atameken» kishi baǵdarlamasy jergilikti qoǵamnyń máselelerin sheshýde azamattardyń, úkimettik emes uıymdar, qoǵamdyq birlestikter, volonterler, metsenattar, bıznes ókilderi men memlekettik organdar kúshin biriktirýge baǵyttalǵan.

Vıtse-mınıstr Abzal Núkenovtyń aıtýynsha, «Atameken» kishi baǵdarlamasy sheńberinde 2 bazalyq baǵyt iske asyrylady.  Atap aıtqanda, bul «Áleýmettik bastamalar kartasy» jáne  «Jomart júrek» jobasy.

«Áleýmettik bastamalar kartasy» jobasynyń negizgi ıdeıasy -  Óńirlerdiń ózekti qajettiligin aıqyndap, olardy sheshý úshin azamattardyń belsendiligin yntalandyrý arqyly jergilikti turǵyndardyń bastamalaryn ilgeriletý bolyp tabylady.

«Áleýmettik bastamalar kartasyna jergilikti qoǵamdastyqtyń ózekti máselelerin sheshý boıynsha azamattar men úkimettik emes uıymdarmen usynylatyn jobalar engiziletin bolady», - dep atap ótti Abzal Núkenov.

Budan bólek, karta metsenattar, memlekettik organdar men bıznestiń, úkimettik emes uıymdar, volonterler men azamattardyń qatysýyn talap etetin óńirlik jobalardyń ashyq, qol jetimdi derek qoryna aınalatyndyǵy jáne karta platformasynda volonterler jáne metsenattar bazasy qurylatyndyǵy aıtyldy.

«Jomart júrek» bazalyq baǵyty áleýmettik bastamalar kartasynyń logıkalyq jalǵasy bolyp tabylady. Bazalyq baǵyttyń negizgi maqsaty - belsendi azamattar men demeýshilerdi, úkimettik emes uıymdardy, volonterlerdi jáne kásipkerlerdi týǵan jerin damytýǵa yntalandyrý. Joba aıasynda 16 óńirde metsenattardy yntalandyrý boıynsha is-sharalar ótkiziletin bolady.

Atalǵan sharalar kómek kórsetýdi, týǵan jerdiń damýyna, jalpy eldiń damýyna qosqan úlestiń úzdik tájirıbesin keńinen jarııalaýǵa jáne súıemeldeýge baǵyttalǵan.

Vıtse-mınıstrdiń aıtýynsha, bul jumystar ártúrli deńgeıde jáne ár jerde jasalyp júr. «Bizdiń kózdegenimiz - sonyń bárin jınaqtap, «Rýhanı jańǵyrý» baǵdarlamasynyń maqsattaryna baǵyttaý», - dep óz sózin túıindedi Abzal Núkenov.