Din isteri mınıstrligi ÚEU-ǵa arnalǵan syıaqy úshin ótinimder qabyldaıdy

ASTANA. QazAqparat - Din isteri jáne azamattyq qoǵam mınıstrligi 1 shildeden bastap, ÚEU-ǵa arnalǵan syılyqaqyny berý úshin ótinimderdi qabyldaıdy, dep habarlaıdy mınıstrliktiń baspasóz qyzmeti.

Qazaqstan Respýblıkasy Din isteri jáne azamattyq qoǵam mınıstrligi úkimettik emes uıymdarǵa arnalǵan syılyqaqyny berý úshin baǵyttar boıynsha:

1) bilim berý, ǵylym, aqparat, dene shynyqtyrý jáne sport salasyndaǵy maqsattarǵa qol jetkizý;

2) azamattardyń densaýlyǵyn saqtaý, salaýatty ómir saltyn nasıhattaý;

3) qorshaǵan ortany qorǵaý;

4) jastar saıasaty men balalar bastamalaryn qoldaý;

5) demografııa problemalaryn sheshý;

6) genderlik problemalardy sheshý;

7) halyqtyń áleýmettik turǵydan osal toptaryn qoldaý;

8) jetim balalarǵa, tolyq emes jáne kópbalaly otbasylardaǵy balalarǵa kómek kórsetý;

9) azamattardyń jumysqa ornalasýyna járdemdesý;

10) azamattar men uıymdardyń quqyqtaryn, zańdy múddelerin qorǵaý;

11) mádenıet pen ónerdi damytý;

12) tarıhı-mádenı murany qorǵaý;

13) qoǵamdyq kelisimdi jáne ulttyq birlikti nyǵaıtý;

14) ózderiniń esebinde turǵan adamdarǵa áleýmettik-quqyqtyq kómek kórsetý kezinde probatsııa qyzmetine járdemdesý;

15) memlekettik qyzmetter kórsetý sapasyna qoǵamdyq monıtorıng júrgizý boıynsha júzege asyrylady.

Baıqaýǵa Qazaqstan Respýblıkasynda tirkelgen barlyq úkimettik emes uıymdar qatysa alady.

Bir úkimettik emes uıym syıaqyny alýǵa bir ǵana nomınatsııaǵa usyna almaıdy. Syıaqyny alýǵa bir úkimettik emes uıymdardy qatarynan úsh jyl ishinde qaıta usynýǵa jol berilmeıdi.

Bir nomınatsııa boıynsha syılyqqa bir nemese bir mezgilde birneshe úmitkerge berilýi múmkin. Bul jaǵdaıda syıaqy olardyń arasynda teń bólinedi.

Syıaqyny alý úshin ótinimderdi usynýǵa arnalǵan tizbe mynalardy:

1) birinshi basshy nemese onyń mindetin atqaratyn adam qol qoıǵan úkimettik emes uıymnyń, memlekettik organnyń resmı blankindegi usynymdy (A4 formatyndaǵy eki paraqtan aspaıtyn), sondaı-aq quryltaı qujattarynyń kóshirmelerin;

2) úkimettik emes uıymnyń qyzmeti, jumys tájirıbesi, óńirdiń jáne/nemese eldiń azamattyq qoǵamyn damytýdaǵy áleýmettik úlesi týraly anyqtamany;

3) úkimettik emes uıymnyń qyzmetindegi sońǵy jyldaǵy jetistikteritýraly qysqasha sıpattamany;

4) úkimettik emes uıymnyń qyzmeti týraly qoǵamdastyq (basqa úkimettik emes uıymdar) ókilderiniń usynymdaryn (ekiden kem emes) qamtıdy.

Syıaqyny alý úshin úkimettik emes uıymdardy usyný jónindegi ótinimder Din isteri jáne azamattyq qoǵam mınıstrliginiń Azamattyq qoǵam komıtetine memlekettik jáne orys tilderinde qaǵaz jáne elektrondy jetkizgishterde (SD-dıskilerde ne USB-flesh-jınaqtaǵyshtarynda PDF-formatta) 2017 jylǵy 1 shildeden bastap 1 qyrkúıekke deıin kelesi mekenjaı boıynsha qabyldanady: Astana q., Máńgilik Eldańǵyly 8(Orynbor kóshesi 8), «Mınıstrlikter úıi» ǵımaratynyń 15-kireberisindegi 265-kabınet.Anyqtama telefondary:[phone], 74 09 97