Din isteri mınıstrligi teris aǵym jetegine ergenderdi ońaltýda Múftııatqa júginedi
Bul týraly Ortalyq kommýnıkatsııalar qyzmetindegi brıfıngte elimizdiń Din isteri jáne azamattyq qoǵam mınıstri Nurlan Ermekbaev málim etti, dep habarlaıdy QazAqparat.
«Biz radıkaldy ıdeıalarǵa qarsy is-qımyl jáne teris dinı aǵymdardyń jeteginde júrgen dindar azamattardy ońaltý máselelerinde QR Musylmandary dinı basqarmasymen ózara árekettistikti kúsheıtýdi josparlap otyrmyz»,- dep atap ótti ol.
Sonymen qatar mınıstr jalpy din salasynda basty ról oınaıtyn - dinı birlesikter, onyń ishinde Múftııat ekendigin basa aıtty.
«Memleket osy maqsatta meshit qyzmetkerleriniń bilim deńgeıin kóterýge, onyń qyzmetiniń ashyqtyǵyn qamtamasyz etýge jáne olardyń óz jumystaryn zaıyrlylyq jaǵdaıyna beıimdeýine qolǵabys etetin bolady»,- dedi Ermekbaev.
Jalpy, onyń aıtýyna qaraǵanda, mınıstrlik óz jumysyn úsh baǵytta júrgizetin bolady.
Birinshi - din salasyndaǵy memlekettik saıasatty iske asyrý, onyń ishinde dinı birlesiktermen ózara árekettesý, azamattardyń dinı senim bostandyǵy quqyǵyn qamtamasyz etý. Ekinshi - memleket pen azamattyq qoǵamnyń ózara árekettesýiniń dármendi modelin ornatý. Úshinshi - pármendi memlekettik jastar saıasaty», - dedi ol.