Dımashtyń ındonezııalyq fanaty kók baıraq stılinde kıim tikti

NUR-SULTAN. QazAqparat – Indonezııadan kelgen Dımashtyń fanaty qoldan jasalǵan óziniń ulttyq kıimin usyndy. Boıjetken ony jasaýǵa Qazaqstannyń biregeı mádenıeti shabyt bergenin aıtty, dep habarlaıdy QazAqparat ánshiniń resmı saıtyna silteme jasap.

Indonezııalyq Dimash Indonesian Dears fan-klýbynyń múshesi Kıkı Chan uzaq ýaqyt boıy qyzyqty hobbı-kospleımen aınalysady.

Ol óz qolymen kompıýterlik oıyndardyń, kınoteatrdyń, ádebıettiń, komıksterdiń, anıme nemese manganyń súıikti keıipkerleriniń kostıýmderin jasaıdy.

Birde Kıkı Chanǵa qazaqtyń ulttyq stılinde óz kostıýmin jasaý ıdeıasy keldi.

«Dımash árqashan týǵan eliniń mádenıetine úlken súıispenshilikpen qaraıdy. Jeke Men úshin Qazaqstan mádenıetiniń keremettigi men biregeıligi sonshalyq, maǵan Dástúrli qazaq kostıýmin kıip kórý nemese qandaı da bir ulttyq mýzykalyq aspapta oınap kórý óte qyzyqty boldy. Qazaqstannyń sulýlyǵy meniń júregimdi jáne búkil álemdegi barlyq Dears – tiń júregin jaýlap aldy», – dedi Kıkı Chan.

Kıkı Chan kostıým jasaý úshin óte muqııat jumys istedi. Boıjetken kóptegen ıdeıalardy qaıta qarap, materıaldardy tańdaǵan.

Bul qazaq týy beınelengen plaştaǵy qazaq qyzynyń beınesi edi.

Sonymen qatar, tujyrymdamada Qazaqstannyń sýyq jáne qarly klımatyn beıneleıtin úlpildek aq teri bar.

«Men jalaýdy monshaqtarmen óte muqııat kesteledim. Endi men daıyn mantııany úlken qurmetpen kıemin, óıtkeni Tý – eldiń sımvoly. Men Indonezııa men Qazaqstan arasyndaǵy dostyqty bildire otyryp, qazaq mádenıetin elestete alatynymdy maqtan tutamyn. Sondyqtan men osy kostıýmdi jasaýǵa kiriskenime óte qýanyshtymyn», – dedi Kıkı Chan.