Dımashtyń elordadaǵy kontserti: bıletterdi qaıdan alýǵa bolady

NUR-SULTAN. QazAqparat - Astanada ótetin Dımash Qudaıbergenniń jeke kontsertiniń bıletteriniń 80 paıyzdan astamy satylyp ketti, dep habarlaıdy QazAqparat kontsertiniń bas uıymdastyrýshysy «Qazaqstan» korporatsııasyna silteme jasap.

«2019 jyldyń 29 maýsymynda Nur-Sultan qalasynda ótetin Dımash Qudaıbergenniń kontsertine bılettiń 81 paıyzy satyldy. Bıletterdi satý boıynsha bas operator - zakazbiletov.kz. Sondaı-aq, bıletter biletiastana.kz saıtynda qoljetimdi. Kontsert boıynsha barlyq jańalyqtardy Instagram jáne Facebook áleýmettik jelilerindegi @dimash_arnau paraqshasynan bile alasyzdar. Basqa aqparat kózderinen alynǵan málimetterge súıenbeı, resmı paraqshadaǵy aqparatqa nazar aýdaryńyzdar», - delingen «Qazaqstan» RTRK AQ habarlamasynda.

Dımash Qudaıbergenniń kontserti 29 maýsymda «Astana-Arena» saraıynda ótedi. Bıletter 18 naýryzdan satyla bastaǵan.

Nátıjesinde, satylymda 10 myń jáne 8 myń teńgelik fan-aýmaqtyń bıletteri ǵana qaldy.

Kontsertke bılet satyp alýshylardyń eń kóbi - qazaqstandyqtar. Odan keıin Reseı, AQSh, Qytaı, Ulybrıtanııa, Frantsııa, Germanııa, Japonııa, Túrkııa, Nıderland, Rýmynııa, Polsha jáne t.b elder. Eń alys elderdiń arasynda: Brazılııa, Meksıka, Afrıka, Kanada, Aýstralııa bar.