Dımashtyń atasy «Eren eńbegi úshin» medalimen marapattaldy

AQTÓBE. QazAqparat – Tanymal ánshi Dımashtyń atasy Qudaıbergen Aıtbaevqa «Eren eńbegi úshin» medali berildi, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe oblysy ákiminiń orynbasary Marat Toǵjanov Nur-Sultan qalasynda Qudaıbergenovterdiń otbasynda bolyp, memlekettik jáne qoǵamdyq qyzmetterde eńbek sińirgen, eldiń áleýmettik – ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa eleýli úles qosqan Qudaıbergen Aıtbaevqa «Eren eńbegi úshin» medalin berdi. Sonymen qatar Dımash Qudaıbergenovke berilgen «Aqtóbe oblysynyń qurmetti azamaty» ataǵy marapatyn Dımashty tárbıelep ósirgen ájesi Mıýa Nızamýtdınovaǵa tabystady.

Eńbekteri elengen ónegeli otbasy rızashylyqtaryn bildirip, Aqtóbe oblysy ákimdigine alǵystaryn jetkizdi.