Dımashtyń Astanadaǵy kontsertine kórermenderdi shattl avtobýstary tasymaldaıdy

ASTANA. QazAqparat - Astanada Dımash Qubaıbergenniń kontsertine kórermenderdi shattl avtobýstar jetkizedi.

«27 maýsymda 20.00-de «Astana Arena» stadıonynda Dımash Qudaıbergenniń kontserti ótedi. Kórermender stadıonǵa qoǵamdyq kólikpen bara alady. Sondaı-aq 18.00-den bastap arnaıy reıspen (shattlmen) tórt orynnan («Qazaqstan» SK, «Nur Astana» meshiti, tsırk avtoturaǵy, «Jastar» saraıy aldyndaǵy turaq) kórermenderdi tasymaldaý júzege asyrylady», - delingen Astana ІІD baspasóz qyzmetinen.

Ónersúıer qaýymdy keri jetkizý úshin stadıon avtoturaǵy men «Astana Arena» stadıony» aıaldamasyna shatldar, sondaı-aq qoǵamdyq kólikter toqtaıdy. Jeke kóligimen kontsertke kelýshilerge «Barys-Arena», «Alaý» jáne «Velotrek» avtoturaǵynan qosymsha oryndar bólindi.