Dımashtyń Aqtóbege barǵandaǵy basty maqsaty belgili boldy

ASTANA. QazAqparat -Qazaq ánshisi Dımash Qudaıbergen qatysyp jatqan Qytaıdaǵy «Singer-2017» jobasynyń aıasynda Dımashtyń týǵan jeri men oqyǵan mektebiniń túsirilimderi ótti. Konkýrstyń jetinshi kezeńinen keıin Dımashtyń Qazaqstanǵa kelgendegi basty maqsaty da osy túsirilmderge túsý. Bul týraly onyń resmı ókili Alpamys Shárimov málim etti, dep habarlaıdy QazAqparat.

«Qazaqstanǵa kelgendegi saparymyzdyń basty maqsaty - joba uıymdastyrýshylary Dımashtyń týǵan jeriniń, mektebiniń, ánshi Dımash emes, stýdent Dımashtyń oqyp jatqan jerin kórip, túsirgisi keldi. Aqtóbege de osy maqsatpen barǵanbyz»,-dedi Alpamys Shárimov.

Onyń aıtýynsha, bul jobanyń túsirilimi saǵat saǵatymen josparlanǵan eken. «Aqtóbede Dımashtyń týǵan jerin túsirdik, jalpy, turǵa úıin, oqyǵan mektebin, kolledjin túsirdik. Sonymen qatar, Aqtóbe qalasynyń kórikti jerlerin túsirdik. Al, Astanada Dımashtyń qazirgi oqyp jatqan akademııasyn, Astana qalasynyń ádemi jerleri týraly materıal daıyndadyq»,-dedi Alpamys Shárimov.

Budan buryn habarlaǵynymyzdaı, búgin Astanadaǵy Qazaq ulttyq óner akademııasynyń ustazdary men stýdentteri Dımashty qoshametpen qarsy aldy.