Dımashtyń polshalyq jankúıerleri polıak-qazaq tilasharyn shyǵardy

<p>ASTANA. KAZINFORM &ndash; Polshadaǵy Dımash Qudaıbergenniń Fan-klýby alǵashqy &laquo;polıak-qazaq tilasharyn&raquo; shyǵarý arqyly mádenı baılanystardy nyǵaıta tústi. Bul kitap &ndash; Qazaqstannyń qazaq tili men mádenıetin nasıhattaýǵa baǵyttalǵan eki jyldyq jumystyń nátıjesi. Bul týraly <a href="https://ru.dimashnews.com/poklonniki-dimasha-iz-polshi-vypustili-pervyj-polsko-kazahskij-razgovornik/" target="_blank" rel="noopener">d</a><a href="https://dimashnews.com/polshalyq-dimashtyng-zhankuyerleri-alg/" target="_blank" rel="noopener">imashnews.com. </a>saıty jazdy.</p>

Tilashar shyǵarý ıdeıasy «Dımash radıosynda» ótkizilgen qazaq tili kýrstary aıasynda bastaldy. Radıo tyńdarmandary osy kýrstyń arqasynda Qazaqstanǵa sapar shegý sııaqty taqyryptarda negizgi sózder men sóz tirkesterin úırendi. Kýrstar almatylyq oqytýshy Beglan Sharymbaevtyń kómegimen ótkizildi. Ol fan-klýbqa sabaq ótip, qazaqsha durys sóıleýdi meńgerýge kómektesti.

Foto: dimashnews.com

Oqýdy jeńildetý úshin polıak tilindegi qazaq sózderiniń fonetıkalyq transkrıptsııasyn daıyndaý – osy oqý protsesiniń ereksheligi boldy. Ýaqyt óte kele qatysýshylar barlyq jınaqtalǵan materıaldardy biriktirip, kitap shyǵarýǵa sheshim qabyldady.

Sózdikti ázirleýge: qazaq tili oqytýshysy Beglan Sharymbaev, ıllıýstrator Ivona Opara-Staholets, korrektor Ýla Vlodarsk, qazaq tili kýrstarynyń avtory, sonymen qatar júrgizýshisi Tereza Konkol qatysty.

Foto: dimashnews.com

Tilashar Dımashtyń jankúıerlerin qazaq tiliniń negizderimen tanystyryp qana qoımaı, ártúrli ıllıýstratsııalardyń arqasynda oqý protsesin jeńildetedi. Avtorlardyń pikirinshe, shaǵyn kitap saıahatshylar úshin Qazaqstannyń kórkem jerlerimen tanysýǵa paıdaly nusqaýlyq sonymen qatar, Dımashtyń jankúıerlerin onyń mádenıetin tereńirek zertteýge shabyttandyrady.

Foto: dimashnews.com

– Men bizdiń bul jumysymyzdy maqtan tutamyn. Dımashtyń bul polıak fan-klýby onyń shyǵarmashylyǵyna qoldaý kórsetip qana qoımaı, qazaq tilin keńinen nasıhattaıtyndyǵynyń taǵy bir dáleli, – dep bólisti Tereza Konkol.

Eske sala keteıik, buǵan deıin Dımash Qudaıbergen úzdik mádenıet qaıratkeri atanǵanyn jazǵan bolatynbyz.