Dımashtyń tyńdarmandary kontsertten keıin stadıondaǵy qoqysty jınady

<p>ASTANA. KAZINFORM — 5-shi Dúnıejúzilik kóshpendiler oıyndarynyń kórermenderi men qonaqtary Dımash Qudaıbergenniń «Astana Arena» stadıonyndaǵy kontsertinen keıin stadıondy qoqystan tazartty, dep habarlaıdy elorda ákimdigi. </p>

Mundaı tazalyq aktsııalary elordada turatyn ári qalanyń tazalyǵyna beıjaı qaramaıtyn turǵyndar úshin ıgi dástúrge aınaldy.

Foto: Astana ákimdigi

Kórermender arasynda sheteldik qonaqtar da boldy, olar jankúıerlerdiń belsendiligine jáne olardyń sanaly kózqarasyna tań qaldy. 

Tazalyq aktsııasyna «Astana jastary» belsendileri, eriktiler, sol sııaqty jankúıerler de qosyldy.

Esterińizge sala keteıik, 13 jáne 14 qyrkúıek kúnderi Astanada Dımash Qudaıbergenniń aýqymdy kontserti ótip jatyr. 80 elden 10 myńnan astam tyńdarman keldi. 

Kórermenderge yńǵaıly bolý úshin kontsert ótetin orynǵa arnaıy avtobýstar qatynaıdy. Arnaıy avtobýspen júrý úshin kontsert bıleti bolýy qajet.

Foto: Astana ákimdigi

Aıta keteıik, elordada «Taza Qazaqstan. Astana — tazalyq pen tártiptiń úlgisi» aýqymdy ekoaktsııasy ótip jatyr.

Sonymen qatar, elordada jańadan Taza Astana áleýmettik jobasy iske qosyldy. Joba quqyqtyq tártip, abattandyrý, kógaldandyrý, sanıtarlyq tazalaý, kóppáterli turǵyn úılerdiń, úı janyndaǵy, kvartalishilik jáne aýla aýmaqtarynyń tazalyǵy máseleleri boıynsha júıeli jumys júrgizýge baǵyttalǵan.

Foto: Astana ákimdigi