Dımashtyń Dıýsseldorftaǵy Stranger shoýy anshlag jınady

<p>ASTANA. KAZINFORM &mdash; Dımashtyń komandasy Pragada anshlagpen aıaqtalǵan shoýdan eki kún ótken soń Germanııaǵa keldi. Qazaqstandyq mýzykant óz mansabynda ekinshi ret Dıýsseldorfta jeke kontsert berdi. Ol munda eki jyl buryn &laquo;Arnau&raquo; baǵdarlamasymen bolǵan. Bul týraly Kazinform dimashnews-ke silteme jasap habarlaıdy.&nbsp;</p>

Án arasynda ártistiń jankúıerleri sahnaǵa gúl shoqtarymen jaqyndady, Dımash olardy ártúrli tilderde amandasyp, qarsy aldy, selfıge túsip, basqa elderge sálemin joldady. 

«Lıýbov ýstavshıh lebedeı» ánin oryndaǵannan keıin qazaqstandyq ónerpaz kompozıtor Igor Krýtoıǵa alǵys aıtyp, 70 jasqa tolǵan mereıtoıymen quttyqtady.

Sodan keıin paıda bolǵan dástúr boıynsha ártis sahnaǵa zaldan qyz balany shaqyryp, ol maestronyń «Ave Marııa» vokalıziniń fragmentin oryndady. Dımash 11 jasar Gabrıelanyń ónerine tánti bolyp, oǵan bolashaqta búgingi kontsert sııaqty myńdaǵan zaldardy jınaýyn tiledi.

Aıta ketsek, 2022 jyly Qazaqstannyń Almaty qalasynda bastalǵan Stranger týry eki jyl boıy ártúrli qalalardy aralap, Erevan (Armenııa), Antalııa jáne Ystanbul (Túrkııa), Kýala-Lýmpýr (Malaızııa), Gonkong (Qytaı), Býdapesht (Majarstan) qalalarynda boldy. 2024 jyldyń 13 jáne 14 qyrkúıeginde shoý Qazaqstanǵa oralyp, elordadaǵy úlken «Astana Arena»-ǵa eki ret jınalyp, qarasha aıynda Eýropaǵa attandy.

Eki jyldyń ishinde kontserttik baǵdarlama ózgerip otyrdy, endi oǵan Dımashtyń «Smoke», «When I’ve got you» jáne «Fire» atty jańa týyndylary kirip otyr. Degenmen, shoýdyń negizgi kontseptsııasy kontsertten kontsertke deıin ózgerissiz qalyp otyr — ár túrli tildegi ánder (qazaq, aǵylshyn, orys, frantsýz, qytaı, ıtalıan, ıspan), ultty ereksheleý túrinde, jeke kompozıtsııalar túrinde jáne kez kelgen stıldegi týyndylardyń qaıtalanbas ornalasýy jaǵynan.

Buǵan deıin Pragada ótken Dımashtyń kontsertinde 9 jasar qyz tyńdarmandardy tánti qylǵany týraly jazǵan bolatynbyz.