Dımashqa án jazý óte qıyn – tanymal ánshige 6 shyǵarma jazǵan kompozıtor

ASTANA. QazAqparat – Jibek Joly telearnasynyń «Tórletińiz» baǵdarlamasynda qonaqta bolǵan belgili ánshi, kompozıtor Ulyqpan Joldasov Dımash Qudaıbergenge jazyp bergen ánderi týraly aıtty, dep habarlaıdy QazAqparat tilshisi.

«Án jalpyǵa birdeı jazylady. Dımashqa daıyn, biraq sózi jazylmaǵan kompozıtsııalarymdy berdim. Jalpy, men úshin Dımashqa án jazý óte qıyn. Sebebi onyń talǵamy bólek, múlde basqasha. Adam óziniń tabıǵatyna keletin ándi aıtady. Dımashqa bizdiń týyndylarymyz kóp kele bermeıdi», - dedi Ulyqpan Joldasov.

Sonymen qatar, kompozıtor búginde Dımash Qudaıbergen onyń 6 ánin oryndap júrgenin aıtty.

Olardyń qatarynda Qytaı elinde hıt-paradta birinshi orynda bolǵan týyndy bar.

Buǵan qosa, Ulyqpan Joldasov 1980-shi jyldary orys tilin bilmegeni úshin Shymket mýzykalyq ýchılışesinen shyǵyp ketkenin eske aldy.

Jalpy, «Tórletińiz» baǵdarlamasy otandyq belgili kompozıtorlardyń shyǵarmashylyǵyna, hıt ánderdiń tarıhyna arnaldy.

Óner ıeleri qazaq mýzykasyn álemdik deńgeıge kóterý tóńiregindegi oılaryn ortaǵa salyp, pikir bildirdi.