Dımash týǵan kúnin Qytaıda atap ótpek

ASTANA. QazAqparat - Ánshi Dımash Qudaıbergen bıylǵy týǵan kúnin Qytaı astanasynda atap ótpek, dep habarlaıdy QazAqparat.

Qytaılyq ent.ifeng.com saıtynyń málimetinshe, Dımash óziniń týǵan kún keshinde óz jankúıerlerine tosyn syı jasamaq.

«Dımash Qudaıbergen jankúıerleriniń qurmetine 24 mamyr kúni Beıjiń qalasynda «Tosyn syıǵa toly týǵan kún keshi» taqyrybyndaǵy kezdesý uıymdastyrmaq. Bul ánshiniń óz týǵan kúnin shetelde tuńǵysh ret ótkizýi. Dımash osy kezdesý úshin kóptegen jańa shyǵarmalaryn daıyndap otyr. Bul kezdesýde ol Qytaıdaǵy alǵan áserlerimen, oılarymen bólisedi», - dep jazady atalmysh saıt.

Bul aqparatty ánshiniń  PR-menedjeri Alpamys Shárimov te rastap, Feısbýktaǵy óziniń jeke paraqshasyna «Dımashtyń týǵan kúni - tuńǵysh resmı álemdik fan-kezdesý Beıjiń qalasynda!», - dep jazdy.