Dımash The World's Best-tiń jas ónerpazdaryna: Motsart pen Selın Dıondaı bolyńdar

ASTANA. QazAqparat - Qazaq ánshisi Dımash Qudaıbergen «The World's Best» baıqaýynda ózine qoldaý bildirgen jankúıerlerine alǵysyn bildirdi, dep habarlaıdy QazAqparat tilshisi.

«Qoldaý bildirgenderińiz úshin barlyqtaryńyzǵa shyn júrekten alǵysymdy aıtqym keledi. Baıqaýdyń fınalynan bas tartqanyma qaramastan, telekórermender arasynda birinshi orynnan kórinip otyrmyn - onyń bári de sizderdiń arqalaryńyzda bolyp jatyr. Men úshin daýys bergenderdiń báriniń aldynda basymdy ıemin. Ózimniń irili de usaq jeńisimniń bárin de jankúıerlerime arnaımyn. Shoýdyń Lıdıan Nedashvaram men Danelııa Tóleshova sekildi jas ónerpazdary Motsart pen Selın Dıondaı áıgili bolsyn. Men olardy jeńisimen quttyqtaımyn!», - dep jazdy Dımash Qudaıbergen Instagramdaǵy paraqshasynda.

Eske sala ketsek, ánshi Dımash Qudaıbergen Amerıkadaǵy «The World's Best» baıqaýynda málimdeme jasap, balalarǵa jol berý úshin shoýdan ketetinin aıtqan bolatyn.

Al Danelııa Tóleshova «The World's Best» baıqaýynyń aqtyq kezeńine ótpeı, shoýdyń bas júldesi úndistandyq jas pıanınoshy Lıdıana Nadhasvaramǵa buıyrdy.