Dımash Nııazov Qazaqstan men AQSh polıtseıleri arasynda boks keshin ótkizýdi usyndy
«Bizde jazda jáne kúzde polıtseılerdiń qatysýymen boks shoýy uıymdastyrylady. ıAǵnı polıtseıler bir-birimen judyryqtasady jáne onda qatardaǵy polıtseı óziniń bastyǵyn rıngke shaqyra alady. Árıne barlyǵy da boks erejesine saı ótkiziledi. Shoýǵa qatysý erikti túrde, al kórermender aqsha tólep kóredi. Halyq tarapynan atalǵan boks shoýyna suranys joǵary. Sebebi polıtseılerdiń ózara kúsh synasyp jatqany kóp adam úshin qyzyqty. Eń bastysy bul shara qaıyrymdylyq maqsatyn kózdeıdi. Shoýdan túsken qarjy balalar úıine nemese basqa da muqtaj jandardyń qajetine jumsalady. Biz úshin bul qýantarlyq jaǵdaı», - dedi D. Nııaz QR Sybaılas jemqorlyqqa qarsy is-qımyl agenttiginiń uıymdastyrýymen onlaın ótken baspasóz máslıhatynda.
Onyń aıtýynsha, polıtseılerden quralǵan boks toby alys-jaqyn shetelde ótetin týrnırlerge qatysady.
«Bizdiń komanda Irlandııa, Pýerto-Rıkoda ótken polıtseıler arasyndaǵy boks týrnırine qatysty. Qazaqstanǵa barǵanda polıtseıler arasynda boks shoýyn uıymdastyrýdy ıdeıasyn usynbaqpyn. Múmkin men óz komandammen Qazaqstanǵa baryp, ondaǵy polıtseılermen birlesken shoý uıymdastyramyz. Menimshe, qyzyqty bolady dep oılaımyn. Qudaı qalasa, karantındik jaǵdaı rettelse kóremiz»,- dedi ol.
Buǵan deıin jerlesimiz 20 aqpanda kásibı bokstan jeke-jekke shyǵatynyn habarlaǵan bolatyn.