Dımash Latyn Amerıkasyndaǵy tyńdarmandarynyń arqasynda «orman qorǵaýshysy» atanady

NUR-SULTAN. QazAqparat - Latyn Amerıkasynan kelgen Dımashtyń jankúıerleri Argentına Patagonııasynda ormandardy qalpyna keltirý naýqanyn bastady. Dears-tiń maqsaty – aımaqta myń aǵash otyrǵyzý, dep habarlaıdy QazAqparat ánshiniń resmı saıtyna silteme jasap.

Mamyr aıynda Chılı, Argentına, Bolıvııa, Perý, Meksıka, Kosta-Rıka, Venesýela, Kolýmbııa jáne Japonııadan kelgen Dımashtyń jankúıerlerinen turatyn qazaqstandyq oryndaýshy Dimash Latin Dears fan-klýby «Patagonııadaǵy dostar qaýymdastyǵymen» birlesip, Argentınada ormandardy qalpyna keltirý boıynsha naýqan uıymdastyrdy.

Bul qaýymdastyq osy aýdanda tuqym jınaýmen aınalysady, olardy ósiredi, sodan keıin mamyrda nemese qyrkúıekte aǵash otyrǵyzady.

Ormandy qalpyna keltirý naýqanyn bastaý úshin Dimash Latin Dears qarajat jınady. Jınalǵan aqshaǵa fan-klýb mamyr aıynda Dears otyrǵyzǵan «Patagonııadaǵy dostar qaýymdastyǵynan» 382 aǵash satyp aldy.

Keıin fan-klýb ekinshi aktsııany bastady, onyń basty maqsaty - 1000 aǵash otyrǵyzý boldy. Bul joly naýqanǵa Dımashtyń búkil álemdegi jankúıerleri óz erkimen qatysty.

Qazirgi ýaqytta Dears maqsatyna jetý úshin 200-ge jýyq aǵash otyrǵyzý qaldy, sodan keıin Dımashtyń atyna «Orman saqtaýshysy» sertıfıkaty beriledi.

«Patagonııa dostary qaýymdastyǵy» resmı saıtynda Dears ózderi qalaǵan aǵashty satyp alýy (osylaı syıǵa tartý) úshin arnaıy silteme jasady.

Foto: dimashnews.com