Dımash Qytaıdan qalyńdyq izdeý týraly: Ol qupııa

ASTANA.QazAqparat - Qazaqstandyq ánshi Dımash Qudaıbergen Qytaıda «Jyldyń sheber sheteldik óner adamy» nomınatsııasy boıynsha marapattaldy, dep habarlaıdy QazAqparat.

Dımash Qytaı astanasy Beıjiń qalasynda ótken «Beauty Touching At Chinese» qaıyrymdylyq sharasynyń qurmetti qonaǵy bolyp, «Memories That Can't Take Away» ánin shyrqady.

Sondaı-aq, keshti uıymdastyrýshylar, otandasymyzǵa «Jyldyń sheber sheteldik óner adamy» marapatyn tabystady.

Dımash óz kezeginde osyndaı qaıyrymdylyq sharalaryn uıymdastyrýǵa at salysyp júrgen adamdarǵa alǵysyn bildirdi.

Kesh júrgizýshisi Dımashtan Qytaıdan qalyńdyq tabý týraly oıyn surady. Ánshi bul suraqqa jaýap berýge qınalatyndyǵyn jetkizdi.

«Qalyńdyǵym týraly másele ázirge qupııa», - dedi Dımash.

Eske sala keteıik, Dımash Qudaıbergen osy jyldyń basynda Qytaıdyń «Singer 2017» án baıqaýyna qatysyp, ekinshi oryn jeńip aldy. Otandasymyzdyń talantty óneri kóptegen qytaılyq jáne basqa elderdiń jankúıerlerin tánti etti. Sonymen qatar, Dımash qytaıdaǵy kóptegen mýzkalyq marapattaýlardy jeńip aldy.