Dımash Qudaıbergenniń Qytaıdaǵy án baıqaýyndaǵy saıysyn otandyq telearna kórsetedi
13:42, 16 Naýryz 2017
ASTANA. QazAqparat - Dımash Qudaıbergenniń endigi án saıysyn óz telearnamyzdan kóre alatyn boldyq, dep habarlaıdy QazAqparat tilshisi.
«Habar» arnasy Qytaıda ótip jatqan «Singer-2017» jobasyndaǵy Dımash Qudaıbergen qatysqan barlyq shyǵarylymdy kórsetpek. Bul týraly «Habar» agenttiginiń basqarma tóraǵasynyń orynbasary Rınat Kertaev Feısbýktaǵy paraqshasynda jazdy.
«Qazaq eli daryndaryn qoldaıdy! «Habar» agenttigi Dımash ulyn qoldaıdy! «Eshten kesh jaqsy» deıdi atam qazaq. Qytaı tarapymen uzaqqa sozylǵan qıyn da kúrdeli kelissózder artta qaldy. Alla qalasa jańa kóktemgi maýsymnan bastap «Habar» arnasy QHR-da ótip jatqan «I am singer» jobasyndaǵy Dımash Qudaıbergen qatysqan barlyq shyǵarylymdy kórermen nazaryna usynady. Qýan qazaq, qýan kórermen! Alǵa, Dımash!!!», - dep jazdy ol.