Dımash Qudaıbergenniń erekshe portreti jasaldy
Fabrıka mamandary portretti eki kúnniń ishinde jasap shyǵarǵan. Portret tiginen jasalǵan, onyń bıiktigi 180 sm jáne eni 82 sm. Ony jasaý úshin birneshe maman jumys istegen. Olardyń biri - Anar Ábdiǵasenova. Boıjetkenniń mamandyǵy Qazaqstan eńbek naryǵynda sırek kezdesedi - ol dessınator mamany, ıaǵnı tórt mamandyqtyń jıyntyǵynan quralǵan sheber.
Ol - ári tekstıl dızaıneri, mata sýretshisi, toqyma qurylǵylarynyń programmısti jáne ınjener. Budan bólek, boıjetken Dımash Qudaıbergen bilim alatyn ýnıversıtette oqıdy.
«Men Qazaq ulttyq óner ýnıversıtetiniń stýdentimin. «Kıim dızaıneri» mamandyǵy boıynsha bilim alyp jatyrmyn. Fabrıkaǵa Túrkııa, Italııa elderinen mamandar kelip, túrli sheberlik synyptaryn ótkizdi. Osylaısha, jumys isteýdi úırenip kettim», - dedi ol.
Toqyma tsehynyń tehnology Maııa Vershınına atap ótkendeı, osyndaı ózgeshe týyndyny jasap shyǵarýǵa kásiporyndaǵy tehnologııalyq jańǵyrtý múmkindik bergen.