Dımash Qudaıbergen jańa ániniń shyǵý tarıhyn aıtyp berdi

ASTANA. QazAqparat - Tanymal qazaqstandyq ánshi Dımash Qudaıbergen óziniń barsha jankúıerlerine arnaǵan «Ómir» kompozıtsııasynyń shyǵý tarıhyn aıtyp berdi, dep habarlaıdy QazAqparat.

Oryndaýshy Instagram jelisinde jańa kompozıtsııasy týraly jazba jarııalady.

«Meniń «Ómir» atty jańa mýzykalyq beınebaıanymdy kórip úlgergenderińizge senimdimin. Ol meniń 25 jyldyq shyǵarmashylyq saparym týraly, oǵan áser etken adamdar men oqıǵalar týraly oı júgirtý retinde quryldy.
Sondaı-aq, beınebaıannyń rejısseri Ǵalym Asylovqa ekranda meniń oılarym men sezimderimdi jetkize alǵany úshin alǵysymdy bildirgim keledi», — dep jazdy Dımash Qudaıbergen.

Eske salaıyq, 24 mamyrda týǵan kúninde Dımash Qudaıbergen «Ómir» atty jańa mýzykalyq kompozıtsııasyn usynǵan bolatyn.