Dımash Qudaıbergen túsirilimderge qatysý úshin Qytaıda júr

ASTANA. QazAqparat – Álemge áıgili ánshi Dımash Qudaıbergen shyǵarmashylyq túsirilimderge qatysý úshin Qytaıda júr, dep habarlaıdy QazAqparat.

Dımashtyń Eýrazııadaǵy fan-klýbynyń jazýynsha, ánshi Qytaıǵa ushyp kelgen. «Ártistiń óner kórsetýin, Aspan asty elininiń mańyzdy kúzgi is-sharalaryna qatysýyn kútemiz. Ondaı merekelerdiń biri – Kúzdiń orta mezgiliniń meıramy», - dep jazady fan-klýb.

Aıtylyp ótkendeı, Dımash Qudaıbergen 5 jyl buryn China Mid-Autumn festival Gala sharasyna qatysty. Onda Qytaıdyń ánshi qyzy Wang Li-men birge «You And Me» kompozıtsııasyn oryndady. Al 2019 jyly qazaqstandyq ártis Qytaı turǵyndaryn merekemen quttyqtap, fotosýret ornalastyrdy.

Qytaıǵa Los-Andjelesten ushyp kelgenin Dımashtyń ózi de jazyp jatyr. Aıtýynsha, ol CCTV úshin túsirilimderge qatysady.