Dımash Qudaıbergen týǵan jerine keldi
Aqtóbede «Baqytty bala» ashyq balalar vokaldyq festıval-baıqaýy ótedi. 1-2 maýsym kúnderi Óner ortalyǵynda ótetin baıqaýǵa Dımash Qudaıbergen de qatysyp, qatysýshylardyń ónerin tamashalaıdy. Buǵan deıin habarlaǵanymyzdaı, gala kontsert, marapattaý kezinde Dımash Qudaıbergen, Danelııa Tóleshova án shyrqaıdy. Aqyldastar alqasyna kirgen ánshi Dımash Qudaıbergen festıval sońynda óziniń ataýly júldesin tabys etpek.
«Baıqaýda ádilqazylar alqysy men aqyldastar alqasy bar. Dımash aqyldastar alqasyna kirip otyr. Ol konkýrsqa qatysýshylardy tyńdap, óz pikirin aıta alady. Biraq ádilqazylardyń sheshimine aralaspaıdy. Al gala kontsert kezinde Dımash Qudaıbergen birneshe án aıtady»,- dedi «Dımash Alı» shyǵarmashylyq ortalyǵynyń jetekshisi Qanat Aıtbaev.
Aıta keteıik, Dımash Qudaıbergenniń «Bastaý» atty kontsertinde shoý daıyndaǵan rejısser Anna Oboıanskaıa «Baqytty bala» baıqaýynyń gala kontsertin óz qolyna aldy.