Dımash Qudaıbergen «Sakýra festıvali» kontsertine qatysty

BEIJІŃ. QazAqparat - Búgin Dımash Qudaıbergen QHR Hýnan provıntsııasynyń Chansha qalasynda ótken «Sakýra festıvaliniń» ashylý saltanatyna arnalǵan keshki kontsertke qatysty, dep habarlaıdy «QazAqparat» HAA-niń Qytaıdaǵy menshikti tilshisi.

Dımashtyń ónerine tánti azamattardyń biriniń Weibo áleýmettik jelisine ornalastyrylǵan vıdeosynda qazaqstandyq ónerpazdyń «Singer» baıqaýynyń baǵdarlamasy aıasynda aıtqan «SOS d'un terrienen détresse», «Kúzgi muń», «Adagio» sııaqty ánderin oryndaǵandyǵyn kórýge bolady.

 

Kontsertke kiretin bılettiń quny 520 ıýan nemese 24 myń teńge.

Aıta keteıik, búgin Hýnan telearnasynyń efırine «Singer» baıqaýynyń 8-shi kezeńiniń kórsetilimi shyqty. Bul kezeńde Dımash 5-shi oryn alǵan bolatyn.

 

Dımash aty ańyzǵa aınalǵan qytaı ánshisi Han Hýnniń «Tań atty» ánin qytaı tilinde oryndaǵan bolatyn.

 

9-shy kezeńniń kórsetilimi senbi, 17 naýryz kúni efırge shyǵady. Alaıda, Dımashtyń bul kezeńde 2-shi oryn alǵany belgili. Ol tanymal kanadalyq ánshi Selın Dıonnyń «All bymyself» ánin oryndady.