Dımash Qudaıbergen Prezıdent tartý etken tazyny kórsetti

<p>ASTANA. KAZINFORM &ndash; Álemge áıgili ánshi, jerlesimiz Dımash Qudaıbergen Memleket basshysy syıǵa tartqan tazymen túsken sýretin jarııalady.</p>

«Osydan birneshe aı buryn Memleket basshysy Qasym-Jomart Kemeluly tazy syılap, erekshe tartý jasaǵan edi. Oǵan «Ǵaryshker» dep at qoıyp, sodan beri senimdi serigime aınalǵan bolatyn. Jeti qazynanyń birine sanalatyn tazyny qazaq halqy qadirleı bilgen», - degen jazba qaldyrdy Dımash Qudaıbergen Instagram paraqshasynda.

Sondaı-aq, ánshi Memleket basshysyn týǵan kúnimen quttyqtady.

«Osyndaı tamasha, baǵa jetpes qazynany tartý etken el Prezıdenti Qasym-Jomart Kemelulyn týǵan kúnimen shyn júrekten quttyqtaımyn! Sizge elge qyzmet isteý jolynda qajymas qaırat, kúsh-qýat tileımin! Sizge shyn júrekten zor densaýlyq, sarqylmas qýat jáne Otanymyzdyń ıgiligi úshin jańa jetistikter tileımin. El bolashaǵy jarqyn bolsyn!», - dep tilek aıtty.

Eske sala ketsek, byltyr kúzde Memleket basshysy Qasym-Jomart Toqaev ánshi Dımash Qudaıbergenge tazynyń kúshigin syılaǵan edi.