Dımash Qudaıbergen prezıdent saılaýynda óz tańdaýyn jasady

ASTANA. QazAqparat - Qazaqstandyq oryndaýshy prezıdent saılaýynda daýys berdi, dep habarlaıdy QazAqparat.

Dımash Qudaıbergen bul jaıynda Instagram paraqshasynda málim etti.

«Qurmetti otandastar! Búgin elimiz úshin mańyzdy kún boldy. Memleketimizdiń perezıdenttik saılaýyna qatysyp óz tańdaýymdy jasadym. Qolǵa alǵan sharalardyń basym kópshiligi oryndalyp, halqymyzdyń baqytty jáne baıandy kúnderi kóp bolǵaı. Eldiń áleýmettik-ekonomıkalyq jaǵdaıy kóterilip, Qazaqstannyń bolashaǵy jarqyn , tuǵyry bıikteı bersin! Elimiz aman, jurtymyz tynysh bolsyn», - dep jazdy ánshi áleýmettik jelidegi paraqshasynda.

Eske sala keteıik, Qazaqstanda prezıdent saılaýy aıaqtaldy.

Foto: www.instagram.com/kudaibergenov.dimash