Dımash Qudaıbergen Ózbekstandaǵy Tóle bı kesenesine bardy
Dimashnews.com saıtynda jazylǵandaı, Dımash Qudaıbergen ákesi, «DimashAli» shyǵarmashylyq ortalyǵynyń jetekshisi Qanat Aıtbaevpen birge Ózbekstan Respýblıkasynyń Mádenıet jáne týrızm mınıstri Ozodbek Nazarbekovpen kezdesti.
Ózbekstan astanasy Tashkentte ótken kezdesýde dostyq qarym-qatynas pen mádenı qundylyqtarmen almasýdyń mańyzdylyǵy, sondaı-aq birlesken shyǵarmashylyq jobalardyń bolashaq josparlary talqylandy.
Tashkenttegi is-sapar kezinde qazaqstandyq ártis Álisher Naýaı atyndaǵy qoldanbaly óner murajaıy men opera jáne balet teatry sııaqty kórikti jerlerge bardy.
Sondaı-aq, ánshi ınstagram paraqshasynda jazǵanyndaı, Tashkentke barǵan saparynda Mádenıet jáne týrızm mınıstri Ozodbek Ahmadovıchpen birge Sheıh Hovandı Tohýr men Tóle bı kesenelerin aralaǵan.
«Sheıh Hovandı Tohýr 14 ǵasyrda ómir súrgen ǵulama ári sopy, Ahmet ıAsaýı ilimin ustanýshy bolǵan. Ol halyqty bilimge shaqyrǵan áýlıe, el basshylaryn tatýlyq pen kelisimge shaqyrǵan tulǵa retinde este qaldy.
Tóle bı XVI ǵasyrda sheıh kesenesi tóńireginde jerlengen. Qarlyǵash áýlıe degen atqa ıe bolǵan bul kisi qazaq halqynyń bas bıleriniń biri jáne «Jeti jarǵy» zańdar jınaǵynyń avtorlarynyń biri bolǵan.
Eski Tashkenttegi Sebzor massıvindegi haziret Imamnyń (Hastımam) beıitine de zııarat ettik. «Mýıı Mýborak» medresesinde saqtaýly turǵan haziret Ýsman Mushafı Quran Káriminiń eń kóne danasyn kórý baqytyna ıe boldym. Bul múbárák Quran Affandaǵy úshinshi halıfa Osmannyń (Alla oǵan razy bolsyn) buıryǵymen 7 ǵasyrda (b.z.d. 644-648) buǵy terisine kóshirilgen. Saparymyzda ózbek qolóneriniń úlgilerin tamashalaýdyń sáti tústi», - dep jazady Dımash.