Dımash Qudaıbergen «Novaıa volna-2021» konkýrsynda qazylyq etedi

NUR-SULTAN. QazAqparat – Dımash Qudaıbergen 19-25 tamyzda Reseı Federatsııasynyń Sochı qalasynda ótetin «Novaıa volna-2021» halyqaralyq jas oryndaýshylar baıqaýynda qazylyq etetin boldy, dep habarlaıdy QazAqparat tilshisi.

Baıqaýdyń uıymdastyrý komıtetiniń habarlaýynsha, Dımash Qudaıbergen «Novaıa volna-2021» baıqaýynyń ashylý qurmetine arnalǵan kontsertke, qazylar alqasy músheleriniń kontsertine, konkýrstyń úshinshi kúni ótetin premer kontsertke, sharanyń jabylý kontsertine qatysady dep josparlanǵan. Baıqaýdyń aqtyq synynda Qazaqstan, Aýstralııa, Armenııa, Belarýs, Bolgarııa, Grýzııa, Ispanııa, Italııa, Nıderland jáne Reseı sııaqty 10 eldiń jas oryndaýshylary baq synaıdy.

Qazaqstan atynan bul óner saıysyna Mezzo toby qatysady.

«Novaıa volna-2021» baıqaýy 2001 jyldan 2014 jylǵa deıin Latvııanyń ıÝrmala kýrortynda ótip kelgen bolatyn. 2015 jyldan bastap konkýrs Reseıde óte bastady.