Dımash Qudaıbergen men Plasıdo Domıngo dýetiniń tusaýkeseri ótedi

<p>ASTANA. KAZINFORM &ndash; 19 qańtar kúni álemge áıgili opera ánshisi Plasıdo Domıngo men qazaqstandyq jas ánshi Dımash Qudaıbergenniń birlesip shyrqaǵan kompozıtsııasynyń tusaýkeseri ótedi. Bul týraly Dımash áleýmettik jelidegi&nbsp;<a href="https://www.instagram.com/p/C2PXmHnNJF7/?igsh=MTR2NDFleTVldjhreg%3D%3D" target="_blank" rel="noopener">paraqshasynda</a>&nbsp;jazdy.</p>

«Erteń HH ǵasyrdyń aıtqysyz daýys ıesi Plasıdo Domıngomen birlesken ónerimizdiń tusaýkeseri ótedi, biz Jorj Bızeniń 1863 jylǵy «The pearl Fishers» operasynan dýet oryndadyq», - dep jazdy D.Qudaıbergen.

Dımashtyń Eýrazııalyq fan-klýbynyń paraqshasynda jarııalanǵan málimetke súıensek, qos juldyz dýetiniń tusaýkeseri 19 qańtar kúni Býdapeshtte Virtuosos V4+ halyqaralyq jobasynyń fınaly barysynda ótpek. Aqtyq kezeńniń ekinshi bóligi 26 qańtarǵa josparlanǵan. Balalar arasyndaǵy klassıkalyq mýzyka básekesi jobanyń YouTube arnasynda tikeleı efırden kórsetiledi.

Plasıdo Domıngo bul baıqaýda – halyqaralyq qazylar alqasynyń tóraǵasy. Tóreshiler qatarynda, sondaı-aq Erıka Mıklosha (Majarstannyń opera ánshisi) jáne Andrash Keller (majarstandyq skrıpkashy, Keller kvartetiniń negizin qalaýshy) bar jáne bul quramǵa bıyl alǵash ret qazaqstandyq ánshi Dımash Qudaıbergen qosylyp otyr.

Aıta keteıik, bıylǵy 4 mamyrda Býdapeshte Dımashtyń jeke kontserti ótedi.