Dımash Qudaıbergen Qulsaryda eńbektenip júrgen qutqarýshylarǵa alǵysyn aıtty

<p>AQTÓBE. KAZINFORM — Belgili qazaqstandyq ánshi ári mýzykant Dımash Qudaıbergen Aqtóbe oblysy TJM 20982 áskerı bóliminiń qyzmetshilerimen kezdesti. </p>

Qutqarýshylar qazirgi ýaqytta Qulsary qalasyndaǵy sý tasqyny saldaryn joıý boıynsha jumys júrgizip jatyr. 

Dımash Qudaıbergen óziniń sapary barysynda áskerı qyzmetkerlerge qajyrly eńbegi úshin rızashylyǵyn bildirdi. 

Aıta keteıik, aýmaqtaǵy avarııalyq qutqarý jumysyna Atyraý, Mańǵystaý, Aqtóbe oblystarynyń jáne Almaty qalasynyń qutqarýshylary, sondaı-aq TJM, QM jáne UU áskerı qyzmetshileri men JAO qyzmetkerleri jumyldyrylǵan. 

Aıta keteıik, keshe Aqtóbege ánshi Dımash Qudaıbergen kelip, № 40 orta mekteptegi evakýatsııalyq pýnktke bardy. Onda turǵyndarmen kezdesti.

Sonymen birge gýmanıtarlyq kómek ortalyǵyndaǵy jumyspen tanysty. Munda eriktiler kúni-túni jumys istep júr. 

Ánshi sý tasqynynan zardap shekkenderge 15 mln teńge aýdardy.